Las agenturas professiunalas en il sectur da la furmaziun adempleschan incumbensas naziunalas.

Per ademplir incumbensas naziunalas maina la CDEP agenturas professiunalas u sa participescha a tschertas instituziuns cun agid da cunvegnas da prestaziun. Agenturas professiunalas existan en ils suandants secturs:

• Infurmaziun e documentaziun
• Furmaziun generala sin il stgalim secundar II
• Furmaziun professiunala / cussegliaziun da professiun, da studi e da carriera
• Perscrutaziun da la furmaziun
• Pedagogia speziala
• Tecnologias d’infurmaziun e da communicaziun ICT

Duas ulteriuras agenturas professiunalas ch’èn activas sin plaun naziunal vegnan manadas da fundaziuns e s’occupan dal barat e da la mobilitad (Movetia) sco er da la furmaziun per in svilup persistent (éducation21).